பாதாம் சிக்கன்

தேவையான பொருட்கள்:

வெங்காயம்-2 (பொடியாக நறுக்கியது)
இஞ்சி பூண்டு பேஸ்ட்-1 டேபிள் ஸ்பூன்
பட்டை – 1 துண்டு
கிராம்பு – 3
ஏலக்காய் – 2
சோம்பு – 1 டீஸ்பூன்
பிரஷ் க்ரீம்ஃ/தேங்காய் பால் – 1/2 கப்
மிளகுத் தூள் – 1 டீஸ்பூன்
கரம் மசாலா தூள் – 1 டேபிள் ஸ்பூன்
உப்பு – சுவைக்கேற்ப
கொத்தமல்லி – சிறிது

செய்முறை:
முதலில் பாதாம், முந்திரி மற்றும் பச்சை மிளகாயை நீரில் 5-10 நிமிடம் ஊற வைத்து, பின் அதை நன்கு மென்மையாக அரைத்து பேஸ்ட் செய்து தனியாக வைத்துக் கொள்ள வேண்டும்.

பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, ஏலக்காய் மற்றும் சோம்பு சேர்த்து தாளிக்க வேண்டும். பின்பு அதில் வெங்காயத்தை சேர்த்து சிறிது நேரம் வதக்கி, பின் இஞ்சி பூண்டு பேஸ்ட் சேர்த்து நன்கு வதக்க வேண்டும்.

பிறகு அதில் அரைத்த முந்திரி பாதாம் விழுது, கரம் மசாலா தூள் சேர்த்து கிளறி, அதன் பின் 1ஃ4 கப் நீரை ஊற்றி குறைவான தீயில் 10 நிமிடம் நன்கு கொதிக்க வைக்க வேண்டும்.

அதன் பின்னர் சிக்கன் துண்டுகள் மற்றும் தயிர் சேர்த்து 5 நிமிடம் நன்கு வேக வைக்க வேண்டும்.

பின்பு பிரஷ் க்ரீம்ஃதேங்கால் பால், சுவைக்கேற்ப உப்பு, தேவையான அளவு நீர், மிளகுத் தூள் சேர்த்து கிளறி, சிக்கனை நன்கு வேக வைக்க வேண்டும். சிக்கன் நன்கு வெந்ததும், அதை இறக்கி, மேலே கொத்தமல்லியைத் தூவினால், பாதாம் சிக்கன் தயார்.