சென்னை: கடந்த ஆண்டு நவம்பர் மாதம் விஜயநகர் பேருந்து நிலையம் அருகே தரமணி - வேளச்சேரி ஈரடுக்கு மேம்பாலத்தின் ஒரு பகுதியை முதல் - அமைச்சர் மு.க.ஸ்டாலின் திறந்து வைத்த நிலையில், இரண்டாம் பாதையை சனிக்கிழமை (17-ந்தேதி) அன்று முதல்-அமைச்சர் மு.க.ஸ்டாலின் திறந்து வைத்தார். சென்னை வேளச்சேரி விஜயநகரில் போக்குவரத்து நெரிசலை போக்கும் வகையில் வேளச்சேரி - தரமணி, வேளச்சேரி - கைவேலி சாலைகளை இணைக்கும் வகையில் ரூ.108 கோடியில் இரண்டடுக்கு மேம்பாலம் கட்டும் பணி கடந்த 2016-ம் ஆண்டு தொடங்கப்பட்டு நீண்ட காலமாக நடைப்பெற்று வந்தது. தி.மு.க. அரசு பொறுப்பேற்றவுடன் கடந்த நவம்பர் மாதம் வேளச்சேரி - தரமணி பாதை திறக்கப்பட்ட நிலையில் தற்போது வேளச்சேரி - தாம்பரம் விரைவு சாலை வழியாக கைவேலி வரை இரண்டாம் கட்ட பாதை திறக்கப்பட்டது.
