வாழைப்பூ பக்கோடா

தேவையான பொருள்கள்:

வாழைப்பூ – 1
வெங்காயம் – 2
கடலைமாவு – 200 கிராம்
அரிசி மாவு – 50 கிராம்
கொத்தமல்லி, கறிபேப்பிலை – சிறிதளவு
இஞ்சி, பூண்டு பேஸ்ட் – 2 ஸ்பூன்
மிளகாய் தூள் – 2 ஸ்பூன்
பெருங்காயம் – சிறிதளவு
உப்பு – தேவையான அளவு
வெண்ணெய் – 1 ஸ்பூன்
எண்ணெய் – பொரிக்க தேவையான அளவு

செய்முறை :

• வாழைப்பூவை சுத்தம் செய்து ஆய்ந்து கழுவி வைத்துக் கொள்ளவும்.
• வெங்காயம், கொத்தமல்லி, கறிவேப்பிலையை பொடியாக நறுக்கி பின்னர் வாழைப் பூவை சிறிது எண்ணெய் விட்டு வதக்கி கொள்ளவும்.
• பின்னர் ஒரு பாத்திரத்தில் வதக்கிய வாழைப்பூவை போட்டு அதனுடன் கடலை மாவு, மிளகாய் தூள், வெங்காயம், கொத்தமல்லி, கறிவேப்பிலை, உப்பு, இஞ்சி பூண்டு பேஸ்ட், அரிசி மாவு, வெண்ணெய், பெருங்காயம் அனைத்தையும் போட்டு சிறிதளவு தண்ணீர் விட்டு பக்கோடா மாவு பதத்தில் பிசைந்து கொள்ளவும்.
• கடாயில் எண்ணெய் ஊற்றி காய்ந்ததும் மாவினைக் கிள்ளிப் போட்டு பக்கோடாக்களாக பொரித்து எடுத்தால் சுவையான வாழைப்பூ பக்கோடா ரெடி.